Palagay nyo ba pwede kayo magka HIV AIDS?
Friday, August 29th, 2008Matagal ko nang gustong magtanong sa mga friends ko tungkol sa HIV
AIDS. Hindi ko kasi alam kung anong iniisip ng mga kakilala ko tungkol
dito. Wala naman nagturo sa akin UPLB tungkol dun kahit maraming
nagse-sex. Wala ngang nagturo sa aking pano ang tamang paggamit ng
condoms at kung anong lubricant ang pwede (hindi pwede ang whipped
cream at vaseline okay) at bakit issue kung mag break ang condoms.
Nabasa ko lang sa Internet kasi kailangan kong i-educate sarili ko.
Nakakita na ako ng mga safe sex campaign sa campus pero walang namang
demonstration. Lalo namang walang nagturo sa akin nun sa STC kahit
isang dekada ako dun nag-aral. Ewan ko kung may balak silang isama yun
sa curriculum ng isang Catholic school.
Alam ko lang, mas maraming takot mabuntis kaysa magka AIDS. Ano sa
palagay n’yo? Hindi ko sure kung mabenta na ba ang condoms sa LB ngayon
o kung nakakahiya bang bumili sa tindahan ng condom kung kasama n’yo
mag grocery ang mga blocmates at roommates nyo. Hindi ako sure kung
pwede akong pumunta sa infirmary at pumila para magtanong kung san ba
yung HIV testing, kung magkano ba yun, at kung masakit ba yun. Hindi ko
sure kung paano magre-react yung mga taong nakapila kapag nalaman nila
na yung katabi nila baka may AIDS o baka rin wala, curious lang sila sa
status nila.
Dito kasi sa trabaho ko, puro yan ang mga issue. Feeling ko, ang weird
naman kung alam ko kung ano ang nangyayari sa Africa pero sariling kong
mga kaibigan hindi ko alam ang iniisip nila.
Palagay nyo ba pwede kayo magka HIV AIDS? Iniisip nyo ba yun? Bakit oo
at bakit hindi? Natatakot ba kayo o hindi kayo concerned? Sino ba dapat
ang maging concerned?
