Ziplips
Natawa lang ako sa sarili ko kahapon. Kasi dapat 720 am darating yung bus papunta sa MRT eh nagkataon, mas maaga sa schedule dumating at hindi ko yun inaasahan. Mula sa kalye ng bahay namin, nakita ko yung 1Z bus na huminto na para kumuha ng pasahero kaya kumaripas ako ng takbo kahit naka two and a half inches na takong ako. As in pinapawisan na ako kasi naka long sleeves ako at may kikay bag pa akong dala.
Akala ko hihintayin ako hihintayin ako ng driver. Nahihiya naman kasi akong ikampay ang kamay ko para lang tumigil siya. Sa kasamaang palad, umalis yung bus na wala ako at pagkatapos kong magbuntong hininga eh napansin kong nakabukas pala yung zipper ko habang tumatakbo ako.
