do yourself a favor and clean your ref
Minsan iniisip ko, nakakarma yata ako dahil hindi ako nakikinig sa daddy ko dati nung pinapagalitan nya kami dahil tamad kaming maglinis ng ref. Sasabihin niya lagi na hindi ba daw namin nakikita na namumugalgal na ang ref namin at namumuo na ang alikabok sa gilid kapag nadikit ang hintuturo sa ilalim ng pintuan. Eh kami namang apat na magkakapatid ay walang amor sa pag-iisis ng ref dahil masyadong matrabaho kaya hindi namin masyadong binibigyan ng panahon.
Kaya naman siguro naisip ni Lord maturuan nga ako ng leksyon. Nung isang taon, ito ang unang reklamo ko sa lumang bahay namin sa West Washington. Akala ko, sapat na yun para maipalala sa akin na virtue ang paglilinis. Pagtuntong ko sa bagong apartment kasama si Lauren at ilang plastic bag ng gulay mula sa Wal-Mart, sabi niya, "Let’s pt it in the ref before it spoils." At dahil full support ako sa kanya, sabay naming binuksan ang mahiwagang ref.
"Oh my gosh, what is that smell????"
Sa freezer pala eh nakalimutan namin itapon ang dalawang pint ng ice cream. Kung di ako nagkakamali eh pineapple coconut at strawberry shortcake ata yung flavors. Pero hindi na yun ang itsura niya pagkakita ko. Malambot na malambot na yung carton at may parang weblike na film sa taas nung natirang ice cream na maitim itim at animo’y may sumabog na spray ng rat poop (kasi maitim, maliit, at sobrang dami) sa buong kisame ng freezer. Siyempre may mga malilit na langaw na nag-survive. Nakakasuffocate yung amoy, grabe! Nangalahati yata yung Febreeze na hawak ako at yung bote ng bleach namin.
Mga isa’t kalahating oras ko yata sinasabon para mabawasan ang maasim na amoy sa loob ng bahay namin. Nung binuksan ko yung lower compartments, natagpuan ko na may keso palang natira at may nabubulok na kalahating slice ng kamatis sa vegetable bin. At yung mga condiments namin, naiwan sa loob sa parang pinagsamang active dry yeast, mustard, worcestershier sauce, chili bean paste, catsup, pickles, at tubig yung amoy.
Grabe, hindi kinaya ng powers ng cheap incense ko at ng ocean scented na kandila ang tindi ng alingasaw ng mga nabubulok. Kasi naman, paano ba nangyaring naiwang nakalagay sa lowest temperature ang ref namin? Ayan tuloy, nasira ang laman sa loob. Dalawang araw na nga ang nakakalipas eh may naamoy pa rin akong masangsang eh. Hindi ko na nga alam kung saang bote nanggagagling yun kaya kaninang umaga eh medyo mukha akong tanga na inaamoy kung bote ba ng nata de coco yung dapat kong itapon o yung bote ng pickles.
Kaya ayun, habang nagkakaskas ako ng kulay orange at brown na libag ng ref namin, naisip ko na tama talaga ang tatay ko. Dapat talaga nililinis ang ref. At sa susunod uubusin ko na yung ice cream, cheese at kamatis para hindi na kailangang iwan sa freezer.
