Mga pang-aliw
Wednesday, November 29th, 2006May mga araw na hindi ako makapaniwalang nasa America nga ako. Ito yung mga panahon na nakasakay ako sa passengers seat papuntang grocery o ospital. Tinitingnan ko yung mga cornfields, mga kalsada at building at iniisip ko, "Parang ganito rin naman sa Pilipinas ah, may mga palayan sa gilid ng highway, may mga tabi-tabing gusali at maraming tao. Ano bang iba dito?"
Siguro naikukumpara ko yung pakiramdam ko nung pumunta ako sa Italy two years ago. Pagdating ko kasi doon, parang pakiramdam ko ay nasa ibang planeta ako dahil sa dami ng mga nakapaligid na ancient ruins. Ang ganda kasi, parang panaginip! Ibang-iba ang ambience kasi para kang nasa pahina ng history book. At imagine, kakain ka ng dinner al fresco tapos ang gwapo ng waiter at ang view mo ay ang Coleseum. O diba, astig? Dito, hindi ganun ang feeling ko. Wala pa akong na-meet na gwapong Amerikano at walang view na kasing majestic ng Coleseum kaya parang ordinaryo lang.
Nasasabi ko lang ito dahil hindi pa ako nakakapamasyal dun sa mga major tourist attraction ng Chicago. Baka pag nakita ko ang mga yun, magbago rin ang isip ko. Kaya naman, sa maliliit na bagay ko nararamdaman na totoo ngang nasa "land of milk and honey" ako.
Ito ang ilan sa mga nakaka aliw na nakita ko:
- xerox machine na pwedeng mag staple mag-isa
>>> kung sa Pilipinas ito, mababawasan ng trabaho yung mga assistant sa xeroxan.
- yung ref na pag pinindot mo yung controls sa pinto eh pwede kang kumuha ng crushed ice, cubed ice or water
>>> hindi lang ako sanay kasi for the longest time, eh bago ako makakuha ng malamig na tubig eh mag freeze pa ako ng yelo at magpapalamig ako sa pitsel ng tubig
- yung mga gigantic flat screen TV sets (kasi more than one TV in a house) at billiards tables sa bahay ng mga Pilipinong na meet ko dito
>>> nung pumunta ako sa mga bahay nila, parang naisip ko, bakit parang ang yaman nila? kung sa Pilipinas ito, kailangang sobrang laki ng sweldo mo para ma-afford mo ang ganitong lifestyle. at bakit parang malinis lagi ang bahay nila? nasan kaya yung alikabok?
- yung fancy controls ng mercedes benz ng tita ko
>>> ang kulit nung kotse kasi may "lumbar control" ung drivers seat at pwede painitin yung upuan para pag malamig, feeling mo isa kang manok na may hinahalimhiman na itlog. pero dahil sa dami ng features nung kotse, siguro isang buwan bago mo matapos basahin yung manual.
- yung neighborhood na postcard perfect ang itsura - may mga magagandang Christmas lights sa labas, walang basura, pero amazingly, wala mabibilang mo ng isang kamay kung ilan ang mga batang naglalaro sa labas ng bahay.
>>> Ewan ko kung nasa school silang lahat o nanonood ng TV pero weird lang para sa kin na walang mga bata sa kalye na kailangan mong businahan kasi baka mabangga sila ng kotse mo. Siguro kaya ganito ang itsura kasi nasa private subdivision ako pero nakakapanibago pa rin.
- at pinakahuli, yung comforter sa kama. ang sarap kasi mag cuddle up!!!
Snow na lang ang kulang, at nasa America na talaga ako. Haha!
